Reuters хабарига кўра, Хитойнинг Geely Automobile Holdings компаниясига тегишли Zeekr электр автомобиль брендига қўшимча сармоя киритди.
"Zeekr молиялаштириш босқичида бешта янги ва мавжуд инвестордан 750 миллион доллар йиғмоқда", деди агентлик.
Янги инвесторлар орасида Исроилда жойлашган Mobileye Global компанияси бош директори Амнон Шашуа ҳам бор. Компания автоном ҳайдаш технологияларини ишлаб чиқишга ихтисослашган. Унинг назорат пакети Американинг Intel компаниясига тегишли.
Шунингдек, Хитойнинг Гуанчжоу шаҳри ҳукуматининг сармоявий бўлими Zeekr'ни ривожлантиришга сармоя киритди.
Йиғилган маблағлар технология тадқиқотлари ва глобал брендни кенгайтиришни қўллаб-қувватлаши кутилмоқда.
Geely Automobile Holdings - Хитойнинг энг йирик автомобиль компанияларидан бири. Zeekr бренди 2021 йилдан бери ривожланмоқда. Унинг доирасида электромобилларнинг иккита модели ишлаб чиқарилмоқда, учинчиси бозорга чиқишга тайёрланмоқда.