Германия эпидемияни назоратга олди - ССВ

Германия эпидемияни назоратга олди - ССВ

Германия соғлиқни сақлаш вазири Йенс Шпан мамлакат эпидемияни назоратга олганини маълум қилди.

Унинг сўзларига кўра, вирусни янгидан юқтириб олаётганлар сони камаймоқда.

Шу вақтга қадар коронавирусни юқтириб олганлар сони 138 мингни ташкил қилади, улардан 4101 нафари вафот этган.

Бу Европадаги энг паст ўлим кўрсаткичи саналади.

Мутахассислар Германия муваффақиятлари сири ўз вақтида ташкил қилинган кенг миқёсдаги текшириб кўриш деб ҳисобламоқда.

Германия карантин қоидаларини юмшатишни бошлади. Мамлакатда келаси ҳафтадан унчалик катта бўлмаган дўконлар очилади, май ойи бошидан мактабларда таълимни қайта ташкил қилиш режалаштирилган.