Ғарб давлатларининг ўзлари энергия инқирози учун барча шароитларни яратиб беришган. Бу ҳақда Focus шарҳловчиси Габор Стеингарт ёзади.

Унинг сўзларига кўра, юқори нархлар ва энергия танқислиги билан боғлиқ вазиятда Россияни айбламаслик керак. Экспертнинг қайд этишича, Украинадаги воқеалардан кейин тузилган Россияга қарши иттифоқ Ғарбда кутилганидан кичикроқ ва кучсизроқ бўлиб чиқди. У Ғарб давлатларида энергия инқирозининг етти сабабини айтиб ўтди.

Кузатувчининг ёзишича, асосий хато Ғарбнинг Москвани иқтисодий санкциялар билан рози бўлишга мажбур бўлиши мумкинлигига ишончи бўлган ва бу якунда Ғарб давлатларининг ўзига анча катта зарба берган. Иккинчи хато, Россияда Европа давлатларининг фаровонлиги боғлиқ бўлган улкан нефть ва газ ҳажми борлиги эди. Муаллиф учинчи хатони санкцияларни қўллаганларга зарар етказиш эҳтимоли юқори деб атади.

Бундан ташқари, кузатувчи Ғарб давлатлари томонидан Россия нефть танкерларини суғурталашни тақиқлашни жорий этишни хато деб ҳисоблайди, шу сабабли жаҳон бозорларида хомашё нархи кескин кўтарилади. Шунингдек, унинг фикрича, Россия энди хомашё учун янги бозорларга эга бўлади. Муваффақиятсизликнинг олтинчи сабаби сифатида у Хитойнинг Россияга қарши санкциялар қўллашдан бош тортиши ва у билан ҳамкорликни тўхтатиши деб атаган. Муаллиф сўнгги сабабни ривожланаётган мамлакатларнинг Москвага нисбатан жорий қилинган чеклов чораларини қўллаб-қувватлашни истамаслиги деб ҳисоблади.

Эслатиб ўтамиз, аввалроқ Россия президенти Владимир Путин америкалик ёзувчи Марк Твеннинг сўзларидан иқтибос келтирган ҳолда Москвага нисбатан жорий қилинган санкцияларни изоҳлаган эди. «Улар бизнинг иқтисодиётимизга қарши бундай блитскриегни амалга оширишга урингани аниқ, натижа бермади. Марк Твен айтганидек: «Менинг ўлимим ҳақидаги миш-мишлар жуда бўрттирилган», деди Путин.