Германия канцлери Олаф Шолс энергия нархи ошишига тайёр бўлиш зарурлиги ҳақида огоҳлантирди. Баёнот матни Германия ҳукумати матбуот хизмати томонидан тарқатилди, деб ёзади «ТАСС».
«Биз сотиб олган кўп нарсалар қимматлашди. Озиқ-овқат, айниқса энергия нархлари», - деган Олаф Шолс.
Унинг сўзларига кўра, нархларнинг ошиши мамлакатдаги ёқилғи қуйиш шохобчаларига сезиларли даражада таъсир қилиши мумкин.
Шу билан бирга, канцлер расмийлар вазиятни барқарорлаштиришга ҳаракат қилаётганини ва бу бўйича тегишли қонун қабул қилганини таъкидлади, унга кўра газ омборларида кўпроқ газни ўз вақтида сақлаш кафолатланади. Шунингдек, Германия раҳбарияти энергия маҳсулотларини нафақат Россия орқали сотиб олиш имконияти устида ишламоқда.