Германия президенти Иккинчи жаҳон уруши учун кечирим сўради
1.09.2019 13:16,
82
Германия Иккинчи жаҳон урушидаги жиноятлар учун жавобгар эканлигини унутмайди.
Бу ҳақда Германия президенти Франк-Вальтер Штайнмайер Польшанинг Велюнь шаҳрида фашистлар ҳужумининг 80 йиллиги муносабати билан ўтказилган хотирлаш тадбирида маълум қилди, деб ёзмоқда Reuters нашри.
«Мен Велюнга қилинган ҳужум қурбонлари олдида бош эгаман. Немис золимлиги қурбони бўлган польшаликлар олдида бош эгаман. Ва кечирим сўрайман», — деди Штайнмайер немис ва польяк тилларида.
Эслатиб ўтамиз, Иккинчи жаҳон уруши 1939 йилнинг 1 сентябрь куни Германиянинг Полшага ҳужуми билан бошланган эди.