Германиянинг банклар ва хусусий ташкилотлар олдидаги давлат қарзи 2,3 триллион евродан ошди ва тарихий энг юқори даражага етди. Бу ҳақда Der Spiegel нашри хабар берди.
Таъкидланишича, давлат қарзининг ўсишига коронавирус чекловлари ва пандемия даврида аҳолини қўллаб-қувватлаш чоралари сабаб бўлган.
Ҳозирги вақтда Германия давлат қарзи ўз статистикаси тарихидаги энг юқори даражада. 2021 йилда у 6,8 фоизга (148,3 миллиард евро) ўсди, дейилади мақолада.
Йил давомида максимал ўсиш федерал ҳукумат томонидан 10,3 фоизни ташкил этди. Ер қарзи 0,4 фоизга, муниципалитетларнинг қарзи 0,6 фоизга ошди.