Буюк Британиядан Хитой бошқарувига ўтган Гонконгда бир неча ойдан бери норозилик намойишлари тўхтамаяпти. Расмий Пекин Шарқий Туркистон ва Тибетни катта босим остида бошқариб келмоқда, бунинг учун эса мунтазам равишда танқидларга учрамоқда.
Гонконгдаги Политехника университети кампуси намойишчиларнинг асосий лагерларидан бирига айланган. Бу ерда талабалар ва полициячилар ўртасида тўқнашувлар содир бўлиши натижасида яқин атрофдаги темир йўл станциясига зарар етди.
Талабалар университет ошхоналаридан бирини эгаллаб олишди ва намойишчиларга таом тайёрлаб беришмоқда, деб ёзади South China Morning Post.
Университет ҳудудида ёнувчи аралашмали идишлар, камонлар, найза ва катапульталар тайёрланмоқда.