Грузияда банкни гаровга олиб $500 минг талаб қилган босқинчи, учта асир ва пуллар билан банкни тарк этди

Грузияда банкни гаровга олиб $500 минг талаб қилган босқинчи, учта асир ва пуллар билан банкни тарк этди

Фото: newdaynews.ru

22 октабрга ўтар кечаси Грузиянинг Зугдиди шаҳридаги Bank of Georgia филиалида 43 кишини қўлга олган террорчи гаровдагиларни озод қилди, деб хабар берди мамлакат ИИВ. Оммавий ахборот воситаларининг хабарига кўра, ҳокимият унинг талабини бажариб, 500 минг доллар берган ва жиноятчи одамларни озод қилган. Ҳужумчининг ўзи номаълум томонга қочиб кетган.

Абхазия билан чегара яқинидаги Зугдиди шаҳрида содир бўлган ҳодиса 21 октабр куни тушдан кейин содир бўлди: маҳаллий вақт билан соат 14:20 да ҳарбий кийим ва ниқоб кийган номаълум шахс банк филиалига кириб келиб, барча ходимлар ва меҳмонларга полда ётишни буюрган. Шу билан бирга, у гаровга олинганларни Калашников автомати ва ҳалқаси тортилган граната билан қўрқитган. Босқинчи креслога ўтириб, гаровдагиларнинг бирига мухолифатдаги миллий телекомпанияни чақиришни ва унинг ягона талабини - 500 минг долларни айтишни буюрган, акс ҳолда у ҳаммани ўлдириш билан таҳдид қилган.

Зугдидидаги воқеалар миллий телекомпаниялар томонидан тўғридан-тўғри намойиш этилди. Жумладан, террорчи гаровга олинган хонадан олинган кадрлар ҳам бор: тажовузкорнинг буйруғи билан асирлардан бири ўз смартфони орқали ижтимоий тармоқларда содир бўлаётган воқеаларни эфирга узатган, у ердан телеканаллар сигнал "олган".

Жиноятчи гаровдагиларни навбатма-навбат озод қилди, Ички ишлар вазирлиги махсус кучлари, шу жумладан снайперлар банк филиалининг уч қаватли биноси атрофида қандай позицияларни эгаллаганини жонли равишда томоша қилди. Афтидан, бу билан у ҳужумни истисно қилмоқчи бўлиб, расмийларга улар ҳали ҳам бегуноҳ одамларни қон тўкмасдан қутқара олишларини тушунтириб берди.

Умуман олганда, босқинчи сиёсий вазиятни ҳисоблаб чиқиб, тайёрланган режа асосида аниқ ҳаракат қилди: 31 октябр куни мамлакатда ҳал қилувчи парламент сайловлари бўлиб ўтади ва миллиардер Бидзина Иванишвилининг ҳукмрон "Грузия орзуси" партияси тинч аҳолининг қони ва ўлими учун рақиби Михаил Саакашвилининг Бирлашган миллий ҳаракати (БМҲ) партияси томонидан асосли танқидга сабаб бўлмаслик учун босқинчининг шартлари бажарилади. Террорчининг талаби билан журналистларни чақирган тутқун БМҲ фаоли бўлиб чиқди. Кейинроқ партия буни тасодиф деб атади.

Пайшанба куни кечқурун вилоят полицияси бошлиғи Автандил Галдава ўзини гаровга олишни таклиф қилди. Жиноятчи қўлга олинганларнинг ҳаммасини озод қилди, фақат жаноб Галдаванинг ўзи ва яна икки киши қолди. Кейин у қолганларга бир-бирларининг қўлларини боғлашни буюрди ва бутун мамлакат олдида боғлаб қўйилган одамларни кўтарилган қўлида ҳалқаси тортилган гранатани ушлаб кўчага олиб чиқди.

Кейинчалик маълум бўлишича, босқинчи 500 минг долларлик сумкани олган ва пулни текширгандан кейингина бинони тарк этишга қарор қилган. Унга олдиндан тайёрлаб қўйилган машинага ўтирган ҳужумчи Самегрело вилоятининг тоғли туманлари томон йўл олди ва бир соат ўтгач, гаровга олинган уч кишини ҳам йўлга ташлаб, бир сумка пул билан ўрмонда ғойиб бўлди.

Эҳтимол, унга талаб қилинганидан камроқ пул берилган бўлиши мумкин, чунки 500 минг доллар босқинчи ўзи билан олиб кетган кичкина сумкага сиғмайди. Грузия Ички ишлар вазирлиги "талончилик", "ноқонуний қурол сақлаш" ва "қийноққа солиш" моддалари бўйича жиноий иш қўзғади. Охирги моддада ўлим жазоси - умрбод қамоқ жазоси назарда тутилган.