6 апрель кунига келиб кундузи +30...+33 даражагача кўтарилади, бу иқлимий меъёрдан +8...+10 даражага юқори. Ҳафтанинг биринчи ярмида Ўзбекистон ҳудуди бўйлаб ёз фасли каби қуруқ ва илиқ об-ҳаво бўлиши кутилмоқда, деб хабар бермоқда Ўзгидромет. Ҳаво ҳарорати кундан-кунга кўтарилади ва 6 апрель кунига келиб кундузи +30...+33 даражагача кўтарилади, бу иқлимий меъёрдан +8...+10 даражага юқори. 4-5 апрель кунлари шимолда ва чўл ҳудудларида баъзи жойларда шамол тезлиги 15-20 м/с гача кучайиши мумкин. Иш ҳафтасининг иккинчи ярмида республика бўйича юқори ва ўрта қават булутлари кузатилади. Аммо қуруқ об-ҳаво сақланиб туради, фақат тоғли ҳудудларда 7 апрель куни баъзи жойларда қисқа муддатли ёмғир ёғиши, момақалидроқ бўлиши мумкин. Кундуз кунги ҳарорат +23...+28 даражагача бироз пасаяди.