«HalalTrip» Ўзбекистонда мусулмон-саёҳатчиларга яратилаётган қулайликларни эътироф этди

«HalalTrip» Ўзбекистонда мусулмон-саёҳатчиларга яратилаётган қулайликларни эътироф этди

Жаҳоннинг энг йирик ҳалол туризм интернет портали - "HalalTrip" Ўзбекистонда мусулмон-саёҳатчилар учун яратилаётган қулайликларни алоҳида эътироф этиб, COVID-19 пандемиясидан сўнг ташриф этиладиган мамлакат сифатида тавсия этди.

Мақолада Ўзбекистон туризм соҳасига алоҳида эътибор қаратаётгани ва президент Мирзиёев томонидан асос солинган «зиёрат туризми» янги туризм йўналиши эканлиги эътироф этилган.

Шунингдек, мусулмон-саёҳатчиларга яратилаётган қулайликлар ичида халқаро аэропортлар, темир йўл вокзаллари, шунингдек, яқиндагина савдо масканларида очилган ибодат шароитлари мақталган.

"HalalTrip" портали Ўзбекистонни COVID-19 пандемиясидан сўнг ташриф этиладиган мамлакат сифатида тавсия этмоқда.

Маълумот учун: HalalTrip ҳалол туризм интернет портали CrescentRating халқаро ташкилотининг лойиҳаси бўлиб, унда ҳалол туризм янгиликлари ва ҳалол дестинациялар бўйича маълумотларни бериб боради.

CrescentRating, Mastercard ташкилоти билан бирга ҳар йили «Жаҳон мусулмон саёҳати индекси» (Global Muslim Travel Index) рейтингини тузиб боради. 2019 йилда Ўзбекистон ушбу рейтингда ўн поғона кўтарилиб, 140 мамлакат орасида 22-ўринни эгаллади.

«Жаҳон мусулмон саёҳати индекси» туризм дестинацияларининг мусулмон-саёҳатчилари учун жозибадорлиги ва қулайлигини баҳолаб келади.

Ўзбекистонда мусулмон-саёҳатчилар учун яратилган ҳар бир қулайлик, мамлакатнинг «Жаҳон мусулмон саёҳати индекси»га ижобий таъсир кўрсатади.