Ҳиндистон жанубидаги Керала штатидаги Кожикоде шаҳри аэропортига қўнаётган пайтда бортида 191 йўловчиси бўлган Air India Express самолёти қулаб тушди. Матбуот хабарларига кўра, самолёт русуми Boeing 737 бўлган.
Самолёт учиш-қўниш йўлагидан чиқиб, иккига бўлинган, дея хабар беради Ҳиндистон Фуқаро авиацияси идораси. Ҳиндистон оммавий ахборот воситалари ва ижтимоий тармоқларда лайнер иккига бўлинган фотосуратлар пайдо бўлди.
Flight Radar 24 саноат нашри ҳалокатга учраган самолётнинг фотосуратини эълон қилди.
We’re following reports that #IX1344 suffered a runway excursion at Kozhikode. https://t.co/ZrxHocoIxX
— Flightradar24 (@flightradar24) August 7, 2020
While we do not appear to have ground coverage we are currently processing additional granular ADS-B data from this flight. https://t.co/0fG6a9ZKFf
Полиция маълумотларига кўра, икки киши ҳалок бўлган ва 35 киши яраланган. Би-би-сига кўра, ҳалок бўлганлар орасида самолёт учувчиси ҳам бўлган.
Ҳалокат маҳаллий вақт билан соат 19:00 (Тошкент вақти билан 18:30) да юз берди. Ҳалокат содир бўлган жойда қутқарув ишлари олиб борилмоқда.
Самолёт кучли ёмғир остида қўнган. Ҳиндистонда ёмғирли мавсум энг юқори чўққига яқинлашмоқда, мамлакатда тошқин ва кўчкилар кузатилмоқда.
Ҳиндистон ички ишлар вазири Амит Шоҳ фожиа ҳақидаги хабардан чуқур қайғуда эканлигини айтди. Вазир воқеа содир бўлган жойга табиий офатларга қарши миллий хизматни юборди.
Самолёт Дубайдан учиб кетган. Air India Express - бу Air India таркибига кирувчи Ҳиндистоннинг энг йирик лоукостер авиакомпанияси.
2010 йил май ойида Ҳиндистоннинг Мангалоре аэропортида Air India Express самолёти қулаши натижасида 158 киши ҳалок бўлган эди.