30 январь яъни бугун “Adani Group” ва “Hindenburg Research” ўртасида даҳанаки жанг авж олди. Чунки Ҳиндистон конгломератининг баъзи рўйхатга олинган компаниялари акциялари кескин пасайишда давом этди. Нью-Йорклик фаол инвестор миллатчиликдан “фирибгарлик”ни яшириш учун қалқон сифатида фойдаланишга уринаётганликда айбланди.

Ҳиндистонда бозорлар очилишидан бир оз олдин содир бўлган мазкур воқеада, “Hindenburg Adani Group” нинг даъволарига 413 саҳифалик раддия билан жавоб қайтарган.

Hindenburg Аданининг қимматли қоғозлар ва валюта қонунларини бузганликда айблашини рад этди ва компания бузилган қонунларни аниқлай олмаганини келтириб ўтди.

Гуруҳнинг энг йирик фирмаси “Adani enterprise” душанба куни тушдан кейин савдоларда қизил рангга тушишдан олдин унинг акциялари 9 фоизга ўсганини кўрсатди. Аммо, гуруҳнинг бошқа олтита йирик рўйхатга олинган фирмаларининг акциялари кескин пасайган. Ушбу “чўкиш” жараёнида “Adani Total Gas”, “Adani Transmission” ва “Adani Green Energy” акциялари 20 фоизга тушиб кетиб, энг кўп зарар кўрган. “Adani Power” ва “Adani Wilmar” озиқ-овқат компаниясининг акциялари эса 5 фоизга арзонлаган.

Hindenburg’нинг асл айбловларига 413 саҳифалик жавобда, Адани гуруҳи якшанба куни 88 та саволдан 65 таси оммага ошкор қилинганлигини айтди.

Конгломерат Hindenburg ҳисоботи "қимматли қоғозларнинг сохта бозорини яратиш" учун “яширин мақсад” билан ишлаб чиқилганлигини, бу сотувчига “ноқонуний йўллар орқали катта молиявий даромад олиш” имконини беришини иддао қилган.

Маҳаллий инвесторларни тинчлантириш ва жамоатчилик қўллаб-қувватлашига эришиш учун Аданининг баёноти Hindenburg’нинг даъвосини Ҳиндистонга ҳужум сифатида кўрсатишга ҳаракат қилди. Баёнотда шундай дейилган: “Бу шунчаки бирон бир компанияга асоссиз ҳужум эмас, балки Ҳиндистонга, Ҳиндистон институтларининг мустақиллиги, яхлитлиги ва сифатига, Ҳиндистоннинг ўсиш тарихи ва амбицияларига ҳужумдир”.

“Adani Group” молия директори Жугешиндер Синҳ сўнгги видеода баъзи айбловларга муносабат билдирди, аммо Ҳиндистондаги мухолиф партиялар томонидан танқидга учради. Нима учун Синҳнинг мурожаати компания баннери ёки логотипига эмас, балки Ҳиндистон байроғи олдида ёзилгани ҳақида саволлар пайдо бўлди.

Гуруҳ асосчиси Гаутам Адани Ҳиндистон Бош вазири Нарендра Модига яқин эканлиги айтилади, унинг партияси кўпинча чет элликларнинг танқидини Ҳиндистонга ҳужум сифатида тасвирлаб келган.

Аданининг Ҳиндистонга ҳужум ҳақидаги аргументига жавобан Hindenburg шундай деди: “Аниқ айта оламизки, биз Ҳиндистон демократик, кучли ва буюк келажаги бор давлат эканлигига ишонамиз. Шунингдек, биз Ҳиндистоннинг келажаги Адани гуруҳи томонидан ушлаб турилганига ишонамиз, у Ҳиндистон байроғига бурканиб, мамлакатни мунтазам равишда талон-тарож қилган”.

Ҳисоб-китобларга кўра, Гаутам Аданининг бойлиги йил бошида 85,7 миллиард долларни ташкил этиб, у сайёрада тўққизинчи ўринда турадиган энг бой одам эди. Бироқ, бугун у бир неча соат ичида 11 миллиард доллар йўқотди.