ИИВ Андижондаги қотиллик юзасидан барчадан узр сўради (видео)

ИИВ Андижондаги қотиллик юзасидан барчадан узр сўради (видео)

Бугун 1 июль куни Халқаро пресс-клубда онлайн тарзида «Андижондаги жиноят иши» юзасидан брифинг бўлиб ўтмоқда.

Тадбирда Олий суд, Бош прокуратура, Ички ишлар вазирлиги ҳамда Инсон ҳуқуқлари Миллий маркази вакиллари қатнашяпти. ИИВ ахборот хизмати раҳбари Шоҳрух Ғиёсов воқеа ҳақида шундай деди:

«30 май куни Андижонда содир бўлган ҳодиса бизнинг камчиликларимиз тўғрисида эслатиб туради.

Андижонда бўлган ҳолат юзасидан ҳар бир айбдор жавобгарликка тортилади ва тизимимизни шаффофлаштирамиз. Ҳолат юзасидан барчадан узр сўраймиз».