Икки кун ичида Россиядан 500 дан ортиқ ўзбекистонликлар олиб келинади

Икки кун ичида Россиядан 500 дан ортиқ ўзбекистонликлар олиб келинади

Ўзбекистон ҳукумати томонидан хорижий давлатларда оғир аҳволда қолган фуқароларни ватанга қайтариб олиб келиш чоралари кўрилмоқда.

Ўзбекистон Республикаси транспорт вазирлиги ахборот хизматининг маълум қилишича, тасдиқланган жадвалга мувофиқ Uzbekistan airways авиакомпанияси томонидан 25 май куни амалга оширилган “Тошкент — Екатеринбург — Тошкент” рейси орқали 278 нафар фуқаро олиб келинди.

Бугун, 26 май куни амалга оширилиши белгиланган “Тошкент – Москва – Тошкент” рейси орқали эса 275 нафар ҳамюртимиз Ўзбекистонга олиб келинмоқда.

Маълум қилинишича, тасдиқланган чартер рейслар жадвалига кўра мазкур ҳафта охирига қадар Санкт-Петербург, Ростов-Дон, Истанбул ва Москва шаҳарларига яна 6 та қатнов амалга оширилади.