Судьялар олий кенгашининг навбатдаги йиғилиши бўлиб ўтди. Унда Кенгаш ваколатига оид қатор масалалар муҳокама этилди.
Муҳокамалар якунида айрим судьяларни ваколати муддати даврига қайта тайинлаш, ваколат муддати ниҳоясига етганларни мазкур лавозимда бўлишининг навбатдаги муддатига тайинлашга доир масалалар юзасидан тегишли қарорлар қабул қилинди.
Шунингдек, йиғилишда икки нафар судьянинг ваколати муддатидан илгари тугатилди.
Кенгаш матбуот хизмати хабарига кўра, Судьялар олий кенгаши қарори билан ёзма аризаларига биноан Фарғона вилояти жиноят ишлари бўйича Қува туман судининг судьяси Қудратбек Абдуллаев ва Самарқанд вилояти фуқаролик ишлари бўйича Самарқанд шаҳар судининг раиси Тўлқин Усмонов лавозимидан озод этилиб, ваколатлари муддатидан илгари тугатилди.