Илк бор Тожикистон пойтахти кураш бўйича XI Осиё чемпионатига мезбонлик қилади
1.03.2022 07:58,
33
Бу йил кураш бўйича катталар ўртасида ўтказиладиган XI Осиё чемпионати жорий йилнинг 17-21 март кунлари Тожикистон пойтахти Душанбе шаҳрида бўлиб ўтади.
Қитъа биринчилиги баҳслари “Душанбе Универсал спорт комплекси”да ўтказилади. Мазкур комплекс 2020 йилда фойдаланишга топширилган бўлиб, ўзида 3000 ўринли томошабинни сиғдира оладиган мамлакатдаги энг йирик спорт мажмуаси ҳисобланади.
Эслатиб ўтамиз, миллий спортимиз курашнинг халқаро ривожланиш тарихида бирор марта қитъа ёки жаҳон чемпионатлари Тожикистонда бўлиб ўтмаган.