Илон Маск Украинадаги урушни тинч йўл билан ҳал қилиш бўйича ўз версиясидан сўнг Tesla акциялари тушиб кетди
4.10.2022 00:39,
149
Таниқли тадбиркор, сайёрамизнинг энг бой кишиси Илон Маск Украинада тинчлик ўрнатилиши учун ўз таклифини берди.
Tesla ва SpaceX компаниялари асосчиси Twitter ижтимоий тармоғида ёзишича, Украинада уруш тугаши учун қуйидагилар бажарилиши шарт:
- Босиб олинган ҳудудларда БМТ кузатуви остида референдумлар ўтказилади.
- Қрим Россияга қайтарилади: 1783 йилдан то "Хрушчевнинг хатоси"га қадар бўлгани каби.
- Қрим сув билан таъминланади.
- Украина нейтрал давлат бўлиб қолади.
Маскнинг таклифи мунозараларга сабаб бўлди, ундан ғазабланганлар озчилик эмас. Аммо энг таъсирлиси бозор бўлди: "оламшумул" баёнотдан сўнг Tesla акциялари қиймати салкам 8 фоизга арзонлашиб кетди.
