Tesla ва SpaceX асосчиси Илон Маск Forbes талқини бўйича яна дунёнинг энг бой одами мақомини йўқотди.
Real Time Billionaires рейтингига кўра, тадбиркор LVMH раҳбари Бернард Арно ва унинг оиласидан кейин иккинчи ўринга тушиб кетган.
Ҳозирда америкалик тадбиркорнинг бойлиги 176,8 миллиард долларга, Арно ва унинг оиласининг бойлиги 188,6 миллиард долларга баҳоланмоқда.
7 декабрь куни Илон Маск Forbes миллиардерлар рейтингида LVMH Moet Hennessy - Louis Vuitton раҳбари Бернард Арнога ютқазиб, биринчи ўринни бой берган эди.
Америкалик тадбиркор бир соат ичида бир неча бор рўйхатда иккинчи ўринга тушиб кетди, бироқ кейинроқ ўз ўрнини тиклади. Кейин рўйхатдаги ўзгаришлар Маскнинг электромобиль ишлаб чиқарувчи Тесла компанияси акцияларининг кескин пасайиши туфайли рўй берди – 7 декабрдаги савдолар чоғида акциялар уч фоиздан кўпроққа қулаб тушди.