Ҳиндистоннинг “Snapdeal” электрон тижорат гиганти раҳбари Кунал Бал америкалик миллиардер Илон Маскга “Twitter”ни эмас, балки Шри-Ланканинг ташқи қарзини сотиб олиш таклифини билдирди. Бу ҳақда “Mint” нашри ёзган.
Маск “Twitter” учун 43 миллиард доллар таклиф қилмоқда. Шри-Ланканинг ташқи қарзи 45 миллиард долларни ташкил этади. Орол-давлат билан келишув амалга ошгач, у ўзини “Цейлон Маск” деб аташи ҳам мумкин, — дейилади хабарда.
Яқинда “Twitter” ижтимоий тармоғининг энг йирик акциядорига айланган Илон Маск компанияни 41,39 миллиард долларга сотиб олиш истагини баён қилганди.