17-19 ноябрь кунлари Хоразм вилоятига Индонезиянинг “Metro TV” телеканалининг 2 нафар вакили - Evririzqi Monarshi ва Laras Pratiwiʼлар ташриф буюришди. Бу ҳақда Хоразм вилояти туризмни ривожлантириш департаменти матбуот хизмати хабар бермоқда.
18 ноябр куни меҳмонлар билан Ичан Қалъада тасвирга олиш ишлари бошланди. Меҳмонлар туристик маршрут бўйлаб тасвирга олиш ишлари давомида, ипакдан гилам тўқиш ва ёғоч ўймакорлиги маҳсулотларини тайёрланиш жараёнлари, тухумбарак ва манти таомларини тайёрлаш бўйича мастер-класс, бундан ташқари “Ичан қалъа”даги Кўҳна арк, Паҳлавон Маҳмуд мажмуалари, Қози Калон мадрасаси, Калта минор ёдгорлиги, Кўҳна Арк мажмуасидаги “Оқ Шайх бобо” тепалиги ва бошқа диққатга сазовор жойлари билан танишиб, суратга олиш ишларини олиб боришди.
Маълумот учун: Индонезиянинг “Metro TV” телеканали маркази Индонезиянинг Жакарта шаҳрида жойлашган бўлиб, 5 миллион нафар аҳоли аудиториясини қамраб олади.