Канадалик олимлар инсоннинг доимий тишлари юз йиллар давомида ўзининг ва ҳатто онасининг соғлиғи ҳақидаги маълумотларни сақлаши мумкинлигини аниқладилар. Бу ҳақда American Journal of Physical Antropology журнали хабар берди.
Олимларнинг таъкидлашича, инсонларнинг саломатлиги тўғрисидаги маълумотлар тишдаги энг қаттиқ тўқималар – дентинда сақланади. Ривожланаётганда у микроскопик қатламларда ўсади - худди дарахтларда ҳалқалар шаклланганидек.
Ушбу қатламларнинг шаклланиши D витамини миқдорига боғлиқ. Агар инсон ривожланишининг баъзи даврида танада бу витамин етишмаса, у ҳолда қатлам юпқа ва қоронғи бўлади. Тадқиқотчиларнинг фикрига кўра, бундай қоронғи қатламлар ҳам боланинг, ҳам онасининг соғлиғига хавф туғдиради.