Ислом Каримов Москвага расмий ташриф билан боради
28.03.2016 20:31,
16
Россияда ишлаб чиқарилган ускуналар еткизиб бериш ҳақида дастлабки келишувлар бор, деб ёзмоқда sputniknews-uz.com.
Россия Молия вазири ўринбосари Сергей Сторчак маълумотига кўра, Ўзбекистон президенти Ислом Каримов ушбу йилнинг 25-26 апрелида Россияга икки кунлик расмий ташриф билан боради.
“25-26 апрелда Ўзбекистон президенти Ислом Каримовнинг Россияга ташрифи режалаштирилган... Кун тартибига қўйилган масалалардан бири бу Ўзбекистон қуролли кучларини қайта жиҳозлаш масаладир”, — деди Сторчак Федерация Кенгаши мажлисида.
Унинг сўзларига қараганда, Ўзбекистон қуролли кучларини қайта жиҳозлаш мақсадида Россияда ишлаб чиқарилган ускуналар еткизиб бериш режалаштирилган. Ушбу масала Ислом Каримовнинг Москва ташрифи мавзуларидан бири бўлади.