Исроил Фаластин ерларига нисбатан вақтинча қамал жорий қилди
10.06.2016 15:21,
5
Исроил мудофаа армияси 10 июнга ўтар кечаси Иордан дарёсининг ғарбий соҳили ва Ғазо секторидаги Фаластин ерларини вақтинча қамал қилган. Бу амалиёт Тель-Авивдаги ҳужумга жавобан яҳудийлар байрами Шавуот тугагунча амал қилади, деб Рейтер агентлиги хабар бермоқда.
Агентлиг маълумотларига кўра, "Фаластин ҳудудларини қамал қилиш тартиби якшанба, 12 июнь ярим тунгача амал қилади". Фаластинликлар "Исроил томонига фақатгина инсонпарварлик эҳтиёжи ва тиббий ёрдам зарурати ҳолатларида ўта олишади".
Аммо мусулмонлар Қуддусдаги масжидга жума ибодатларини амалга ошириш учун қўйилади.
Шу ҳафта дам олиш кунлари Исроилда Шавуот байрами нишонланади.