Италияда коронавирус сабабли бир суткада 627 киши вафот этди. Бу бир суткада Хитойда вафот этганлар рекордидан ҳам ошиб кетди. Бу ҳақда Италия фуқаролик муҳофазаси хизмати раҳбари Анжело Боррелли хабар қилди.
"Афсуски, биз 627 нафар қурбон бердик. Улар коронавирус сабаб ҳалок бўлдилар", деди Боррелли.
Мулозимнинг айтишича, бир суткада 4670 киши коронавирусни юқтириб олган. Мамлакатда 38000 бемор коронавирусга чалинган, 5129 нафари соғайиб кетган, 4032 киши вафот этган.