Италияда икки ойлик қизалоқ Covid-19 дан соғайиб кетди
9.04.2020 23:34,
162
Италияда энг ёш коронавирус билан зарарланган бемор – икки ойлик қизалоқ бутунлай соғайиб кетди деб хабар бермоқда РИА Новости.
Қизча 18 март куни онаси билан бирга касалхонага ётқизилади. Онасида ҳам Covid-19 инфекцияси топилади. Онасида пневмония ривожланишига қарамасдан, у боладан ажратилмаган ҳолда даволанади.
Бир неча кундан кейин чақалоқ йўталишни тўхтатди, унинг ҳарорати пасайиб кетди ва онаси яллиғланишни енгишга муваффақ бўлди. Кейинроқ иккаласида ҳам коронавирус тести салбий натижани кўрсатди.
Мамлакатдаги коронавирусдан соғайиб кетган энг кекса фуқаро 104 ёшли Тревисо вилоятида яшовчи онахон ҳисобланади.