Италияда коронавирус билан боғлиқ вазият бироз яхшиланди
8.04.2020 14:05,
751
Италияда коронавирус инфекциялари билан касалланиш камаймоқда, дейди Соғлиқни сақлаш Олий институтининг юқумли касалликлар кафедраси мудири Жованни Резза.
«Кўтарилиш босқичидан сўнг бизда пасайиш босқичи бошланганга ўхшяпти. Статистика пастга тушмоқда, лекин биз эртанги ва индинги натижаларни кутамиз, аммо вазият яхшиланаётганга ўхшайди», деди у брифинг чоғида.
Аммо, Реззанинг сўзларига кўра, «инфекциялар сонининг камайишига қарамай, вирус сақланиб қолади», бу карантин чекловларининг мавжудлигини давом эттиришга мажбур қилади.
«Ҳар қандай енгиллик вируснинг қайта тарқалишига олиб келиши мумкин», деди у.