Давлат статистика қўмитаси маълумотларига кўра, 2022 йилнинг июль ойида истеъмол секторидаги товарлар ва хизматлар ўртача 0,1 % га пасайган.
Йиллик ўсишда истеъмол нархлари индексининг ўсиш даражаси 12,3 % га етди.
2022 йилнинг июль ойида нархлар ва тарифлар ўсишида етакчи ўринларни ноозиқ-овқат маҳсулотлари эгаллаб, ой давомида уларнинг нархлари ўртача 0,9 фоизга ошди.
Шу даврда аҳолига пуллик хизматлар 0,3 фоизга ошди.
2022 йилнинг июль ойида ўтган ойга нисбатан озиқ-овқат маҳсулотлари 1 % га арзонлашган.