Ўзбекистонлик йигит Измайлово боғида зўрлаб, ўлдириб кетган москвалик аёл иши бўйича суд бошланди

Ўзбекистонлик йигит Измайлово боғида зўрлаб, ўлдириб кетган москвалик аёл иши бўйича суд бошланди

©️ Depositphotos

Москва шаҳар суди шу йил май ойида Измайлово боғида бир аёлни зўрлаб, ўлдириб кетганликда айбланаётган Ўзбекистон фуқаросининг ишини кўриб чиқяпти. Бу ҳақда “Москва” ахборот агентлиги пойтахт прокуратураси матбуот хизматига таяниб хабар берди.

Ҳодиса 2019 йил 28 майда содир бўлган. 23 ёшли айбланувчи аввал москвалик аёлни зўрлаб, кейин унинг полицияга мурожаат қилишидан қўрқиб бўғиб ўлдирган ва жиноят жойидан беркинган.

Москва шаҳар прокуратураси 23 ёшли ўзбекистонликка нисбатан Россия Федерацияси ЖКнинг 131- (жинсий зўрлаш) ва 105-моддалари (бошқа жиноятни беркитиш учун қотиллик қилиш) билан жиноий иш очилганини тасдиқлади.