Жаҳон банки Ўзбекистон қишлоқ хўжалигини модернизация қилиш учун 500 миллион доллар беради. Лойиҳани амалга ошириш қишлоқ хўжалиги маҳсулотларининг сифати ва ассортиментини яхшилайди ва маҳаллий ишлаб чиқарувчиларнинг ички ва ташқи бозорларда иштирокини оширади.
Жаҳон банкининг Ижроия директорлари кенгаши қишлоқ хўжалигини модернизация қилиш лойиҳасини амалга ошириш учун Ўзбекистонга 500 миллион доллар миқдорида маблағ ажратишни маъқуллади, деб хабар беради Жаҳон банк ўз веб-сайтида.
Ушбу лойиҳа Ўзбекистондаги қишлоқ хўжалик илмий-тадқиқот институтларини модернизация қилиш, амалий тадқиқотларни амалга ошириш ва мамлакатда қишлоқ хўжалигини ривожлантириш учун зарур бўлган илғор ишланмаларни жорий этишга ёрдам беради, дейилади хабарда.
- Ўзбекистонда ялпи ички маҳсулотнинг 30 фоиздан ортиғи қишлоқ хўжалигида яратилади. У жами ишчи кучининг 27 фоизини ёки 3,6 миллионга яқин ишчиларни иш билан таъминлайди ва барча экспорт даромадларининг 25 фоизини ишлаб чиқаради ”, - деди Жаҳон банкининг Ўзбекистондаги ваколатхонаси раҳбари Хидеки Мори. "Соҳани модернизатсия қилиш қишлоқ жойларда юқори маошли иш ўринларини яратишга, озиқ-овқат хавфсизлигини мустаҳкамлашга ва мамлакатнинг экспорт даромадларини оширишга ёрдам беради."