“Brent” русумли нефтнинг жаҳон нархи март ойи охиридан буён биринчи марта бир баррелига 120 доллардан ошди, дея хабар берди “Guardian News” нашри.
Мутахассислар фикрича, нарх ошиши Шанхай ва Пекинда коронавирус чекловларининг юмшатилишига боғлиқ. Бундан ташқари, Европа Иттифоқининг Россия углеводородларини импорт қилишни тақиқлаши энергия нархининг ошишига олиб келади.
Буюк Британияда эса бензиннинг ўртача бир литр нархи 172,7 пенсгача, дизел ёқилғиси нархи 182,7 пенсга кўтарилиб, йил бошидан буён ўртача 26 фоизга кўтарилган.
Ҳудди шундай ёқилғи нархининг барқарор ўсиши нефть компанияларига фойда келтиряпти, улар янги ижтимоий имтиёзларни молиялаштириш учун Буюк Британия ҳукуматидан қўшимча тўловлар олмоқда.