АҚШ давлат департаменти жаҳон нефт бозоридаги дефицитни ҳисоблаб чиқди.

Энергетика хавфсизлиги бўйича маслаҳатчи Эймос Хокстиннинг маълум қилишича, жаҳон нефт бозоридаги кунлик етишмовчилик икки миллион баррелга яқин миқдорни ташкил қилади, дейилади “ТАСС” хабарида.

“Бундай вазият Россия нефти таъминотидаги узилишлар туфайли кузатилмоқда”, деб таъкидлади Хокстин.

31 март кунги қарорга мувофиқ стратегик захиралардан фойдаланиш ҳисобига нефт танқислиги қисман бартараф этилмоқда. Вашингтон ҳар куни бозорга миллион баррел нефт чиқармоқчи. Вашингтоннинг бу таклифига имконига кўра, яна ўттизга яқин давлат қўшилгани маълум қилинган.