Ўзбекистонда дори воситаларининг клиник синовларини ривожлантириш маркази ташкил этилади. Объектни жиҳозлар билан таъминлаш учун Жанубий Кореядан Eksimbank кредити юборилади.
Бу ҳақда Ўзбекистон Республикаси Фармацевтика тармоғини ривожлантириш агентлиги ахборот хизмати раҳбари Қизлархон Бегматова маълум қилди.
Дастур қиймати 125 миллион долларни ташкил этади. Марказ клиник базаларни модернизация қилишни мувофиқлаштиради, яхши клиник амалиёт (GCP) – инсон иштирокида маълумотлар таҳлилини ўтказишнинг ахлоқий ва илмий стандарти талабларига мувофиқ дори воситаларини синовдан ўтказишни ташкил этади.