Бугун АОКА штабида Ахборот технологиялари ва коммуникацияларини ривожлантириш вазирлиги матбуот котиби Шерзод Аҳматов иштирокида брифинг бўлиб ўтди.
Брифингда фуқаролар, ижтимоий тармоқ фойдаланувчилари томонидан кўтарилган муҳим савол ва мурожаатлар юзасидан жавоб қайтарилди.
— Карантин вақтида Жазони ижро этиш колонияларига посилка ва бандеролларни почта орқали юбориш хизмати амалга оширилмоқдами?
— Бугунги карантин вақтида Ички ишлар вазирлиги Жазони ижро этиш бош бошқармаси коронавирус инфексиясининг жазони ижро этиш муассасаларига кириб келишининг олдини олиш мақсадида, уларнинг манзили бўйича келиб тушган посилка ва бандеролларни қабул қилишни ВАҚТИНЧАЛИК ТЎХТАТГАН.
Шу сабабли, "Ўзбекистон почтаси" томонидан Жазони ижро этиш колонияларининг манзиллари бўйича посилка ва бандеролларни қабул қилишни вақтинчалик тўхтатган.