Бугун соат 18:20ларда, Жиззах вилояти, Ш.Рашидов тумани ҳудудидан ўтувчи М-39 автомобиль йўлининг 977-километрида, ҳайдовчи, 1992 йилда туғилган А.Н. бошқарувидаги "Daf" русумли транспорт воситасининг юк хонасида ёнғин юзага келган (ҳаракат вақтида), деб хабар қилди ЙҲХБ.
Юк автомобилида кўп миқдорда енгил алангаланувчи ва ёнувчи маҳсулотлар (лак-бўёқ) бўлганлиги сабабли ёнғинни ўчиришга қўшимча куч ва воситалар жалб этилди. Ёнғин тўлиқ бартараф этилди.
Ёнғин натижасида тан жароҳати олган фуқаролар йўқ. Транспорт воситасига ва ортилган юкларга зарар етди.
Суриштирув ҳаракатлари олиб борилмоқда.