Жаҳон соғлиқни сақлаш ташкилоти гидроксихлорохин ва хлорохинни Covid-19 учун дори сифатида синовдан ўтказишни вақтинча тўхтатди. Бу ҳақда Жаҳон соғлиқни сақлаш ташкилоти бош директори Тедрос Аданом Гебрейесус маълум қилди.

"Ижроия гуруҳи бирдамлик синови доирасида гидроксихлорохин ва хлорохиндан фойдаланишни вақтинча тўхтатди", - деди Гебрейесус.

У ушбу қарор нима билан боғлиқлигини айтмади, аммо дорилар ҳамон аутоиммун касалликлари ва безгак билан оғриган беморлар учун даво эканлигини таъкидлади.