Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






ЖСТ тарихида илк маротаба видеоконференцияли музокара ўтказилди — унда Ўзбекистон иштирок этди
4.04.2020 17:55,  
301

Жаҳон савдо ташкилоти (ЖСТ) вакиллари билан Ўзбекистоннинг ушбу халқаро ташкилотга кириш бўйича ишчи гуруҳининг 4-йиғилишига тайёргарлик кўриш билан боғлиқ видеоконференция бўлиб ўтди деб хабар беради Дунё ахборот агентлиги.

Ўзбекистон Республикасининг Женевадаги БМТ ваколатхонаси ва бошқа халқаро ташкилотлардаги доимий ваколатхонасига кўра, видеоконференцияда Ўзбекистон Республикаси инвестициялар ва ташқи савдо вазирининг ўринбосари, ЖСТга кириш бўйича музокаралар гуруҳи раҳбари Бадриддин Абидов, мамлакатимизнинг Женевадаги дипломатик ваколатхонаси вакиллари иштирок этди. ЖСТ томонидан эса ташкилотга кириш департаменти директори Майк Ошикава ҳамда Ўзбекистоннинг ЖСТга кириш бўйича ишчи гуруҳи раҳбари, Корея Республикасининг элчиси Жи-а-Пек иштирок этди.

Ўзбекистон томони ЖСТнинг Котибиятига ташқи савдо режими тўғрисидаги янгиланган Меморандумни, ташқи иқтисодий фаолиятнинг турли жиҳатларига оид 16 та қўшимча ҳужжатларни ЖСТга аъзо давлатлар ўртасида тарқатилганлиги тўғрисида маълумот берди.

Бундан ташқари, Ўзбекистон ЖСТга аъзо мамлакатларнинг 300 дан ортиқ саволларига ва тадбир учун зарур бўлган қўшимча ҳужжатларга жавоблар юборди.

Кириш бўлимининг директори Майк Ошикаванинг таъкидлашича, ушбу видеоконференция ЖСТ тарихида ахборот-коммуникация технологияларидан фойдаланган ҳолда ушбу форматда ўтказилган биринчи тадбирдир. Бу бизга ЖСТ орқали икки томонлама ҳамкорликнинг кенг доирасини кўриб чиқишга имкон берди ва ҳамкорлигимизнинг кун тартибидаги масалалар бўйича конструктив ва фойдали фикр алмашиш учун қулай платформа бўлди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан