Wikileaks асосчиси Жулиан Ассанж Францияга сиёсий бошпана сўраб мурожаат этмоқчи. Бу ҳақда у Эквадорнинг Лондондаги элчихонаси балконидан туриб баёнот берди.
«Жулиан Ассанж Лондондаги Эквадор элчихонасини тарк этишга ҳаракат қилади. У бир қатор мамлакатлардан, хусусан, Франциядан сиёсий бошпана беришни ва АҚШдан ҳимоя қилишни сўрамоқчи», дея унинг сўзларини келтирган France info.
Шунингдек, Ассанж Буюк Британия полицияси ҳалигача уни ҳибсга олишни режалаштираётганини куракда турмайдиган ҳолат деб баҳолади.
«Бундай таҳдидлар фавқулодда вазиятларга ярашади», — таъкидлади инсон ҳуқуқлари фаоли.
Илгарироқ Швеция прокуратураси Ассанжга нисбатан суд таъқибини тўхтатгани маълум бўлган эди.