Эстонияда давлат хизматларини етказиб берадиган кабелни каламушлар кемиргани учун интернет ишламай қолди. Бу ҳақда Postimees нашри хабар берди.
Таъкидланишича, Таллин яқинидаги туманда каламушлар интернет кабелини кемириб, симларга зарар етказган. Шу сабаб эстонияликлар давлат ахборот департаменти тизимидан фойдалана олмай қолдилар.
Интернетнинг ўчиб қолиши ҳаммадан ҳам кўра, дори рецептини интернет орқали оладиган беморлар учун қийинчилик туғдирди.
Тез орада каламушлар кемирган кабел янгиланиб, алоқа тикланди.