Канада бош вазири Жастин Трюдонинг онаси Маргарет Трюдо истиқомат қиладиган Монреалдаги кўп қаватли уйда ёнғин содир бўлди. Radio-Canada'нинг ёзишича, 71 ёшли аёл ҳозир шифохонада.
Ёнғин сешанба кечқурун келиб чиққан.
Хабар қилинишича, Трюдо тутундан заҳарланган ва "жиддий жароҳатлар" олган, аммо унинг ҳаёти хавф остида эмас.
Бош вазир ёнғиндан кейин унинг онаси касалхонада эканлигини тасдиқлади. У воқеадан жабрланган яна уч оилага ҳамдардлик билдирди.