Канада Путин ва унинг атрофидагиларга қарши санкцияларни эълон қилди. Бу ҳақда «BBC news» манбаси хабар берди.
Канада ҳукумати сешанба куни Сенатга Россия президенти Владимир Путин, Россия сиёсий ва ҳарбий тузилмасининг бошқа аъзолари ва уларнинг қариндошлари – жами 1000 га яқин кишининг Канадага киришини тақиқловчи қонун лойиҳасини тақдим этди.
«Канада бу шахсларни босқиндаги роли учун аллақачон санкция қилган ва уларнинг мамлакатимизга кириши тақиқланади. Бу биз Россияни уларнинг ҳаракатлари учун жавобгарликка тортиш усулларидан бири», деб ёзди Канада жамоат хавфсизлиги вазири Марко. Мендисино.
Reuters хабарига кўра, Мендисино вазирлиги матбуот хизмати Канадада ҳар қандай шахснинг мамлакатга киришини тақиқлаш учун Иммиграция ва қочқинларни ҳимоя қилиш тўғрисидаги қонунга тегишли қўшимча киритиш зарурлигини тушунтирди.
Ҳукумат Россия элитасига қарши санкциялар - активларни музлатиш ва мамлакатга киришни тақиқлаш тўлиқ кучга киришини таъминлаш учун айнан мана шундай қадам ташлади.