Карантин туфайли Ўзбекистонда ажралишлар кўпайдими ёки камайдими?

Карантин туфайли Ўзбекистонда ажралишлар кўпайдими ёки камайдими?

Маҳалла ва оилани қўллаб-қувватлаш вазирининг матбуот котиби Саодат Боймирзаева қуйидагиларни маълум қилди:

Йил бошидан 7 857 та оилавий ажралишлар рўйхатга олинди. 2020 йилда жами 49 811 та никоҳ ва 7 857 та ажралиш қайд этилган.

Ажрашишларни қайд этилган никоҳга нисбати (коэффициенти) – 15,8%. 2019 йилнинг мос даврига (8 019 та) нисбатан 162 тага камайган.

Ажримлар сабаби:

  • оилавий келишмовчилик (50,5%),
  • фарзандсизлик (16,3%),
  • узоқ вақт бирга оила бўлиб яшамаслик (10%),
  • миграция (2,8%),
  • хиёнат (3,4%),
  • бошқа сабаблар (17,0%).

Карантин даврида оилавий келишмовчиликлар ортиб боряпти деган нуқтаи назар нотўғри. Аксинча, ушбу синовли кунлар оилалар, маҳаллаларда ноёблашиб қолган меҳр-оқибатни қайтарди, ҳамжиҳатлик, ўзаро дахлдорлик ҳисси ортди.

МАВЗУГА ДОИР: Карантиндан кейин Хитойда ажрашишлар сони ортди

Бу йилги Рамазон эса синовли кунларга тўғри келгани билан 2 карра аҳамияти юқори. Аминмизки – ушбу ойда оилаларимизни турли салбий ҳолатлар, ўзаро келишмовчиликлар тарк этиб, оилавий ажрим ёқасида турган оилалар ҳам ярашиб, оилаларда ва маҳаллаларда ҳамжиҳатлик, ҳаловат муҳити қарор топади, деди Саодат Боймирзаева.