Юнусобод туманида жойлашган Üsküdar Kavurma турк ресторани карантин вақтида яширин тарзда фаолиятни давом эттиргани аниқланди.
20 май куни ИИБ ҳамда СЭНБ ходимлари томонидан текширув ўтказилган.
Текширув тадбирлари вақтида ресторанда ифторга йиғилганлар тахминан 30 киши, жумладан 13 нафар ўзбекистонлик ва 17 нафари хориж фуқаролари бўлгани аниқланган.
Шунингдек, алоҳида хонада намоз ўқиш ва бошқа диний маросимларни ўтказиш учун шароитлар тайёрланган.
Карантин тадбирлари бузилиш ҳолати юзасидан СЭНБ ходимлари томонидан кафе маъмуриятини жиноий жавобгарликка (20 дан 30 гача БРВ) тортиш бўйича тегишли баённома тузилди. Ресторан эса белгиланган тартибда суд жараёнлари тугагунига қадар муҳрлаб қўйилди.
10 май куни Яккасарой туманида жойлашган Qanotchi ресторани ҳам 1 кун фаолият кўрсатган эди.
Аввалига ресторан маъмурияти Facebook саҳифасида мижозларни қабул қилишни бошлагани ҳақида хабар берди. Эртаси куни Тошкент шаҳар ҳокимлиги матбуот хизмати ресторан очилишининг эксперимент бўлгани ва ҳозирда эксперимент якунига етгани учун ёпилганини маълум қилди.
Кейинчалик Вазирлар Маҳкамаси ҳузуридаги Санитария-эпидемиология назорати Давлат инспекцияси Qanotchi қаҳвахонасининг ўз бошимчалик билан фаолият юритганини аниқлади. Инспекция қаҳвахона раҳбари Агзамов Сардорхўжа Эркиновичга нисбатан Ўзбекистон Республикаси Маъмурий жавобгарлик тўғрисидаги кодекснинг 54-моддасида кўрсатилган ҳуқуқбузарлик бўйича тўпланган ҳужжатлар қонунчиликда белгиланган тартибда кўриб чиқиш учун Яккасарой туман Маъмурий судига киритилаётганини хабар қилд и.