Тошкент ҳарбий округи тасарруфидаги ҳарбий қисм ҳарбий хизматчилари ҳам эртаю кеч карантин ҳудудларини муҳофаза қилиб келмоқдалар. Куни кеча ҳарбий қисм мутасаддилари ҳамда ҳарбий психолог майор Озод Усмонов томонидан муҳим ташаббусга қўл урилди.
Тошкент вилояти Ўртасарой туманидаги карантин объекти хавфсизлигини таъминлашга жалб этилган ҳарбийлар учун «Руҳий зўриқишларни ечиш хонаси» ташкил этилди. Бу ҳақда Тошкент ҳарбий округи матбуот хизмати хабар қилди.
Барча муҳим жиҳозлар билан таъминланган ушбу хона юрт посбонларининг жанговар кайфиятини кўтаришга, уларнинг руҳий барқарорлигини оширишга хизмат қилади.