Кун ҳисоботи: Кечирим сўрамаган “ЛУКОЙЛ”, ўз майдонида аламли мағлуб бўлган “Оқ бўрилар” ва ёш йигитларни ўғирлаб кетаётган Тожикистон
Якунланиб бораётган 14 ноябрь куни юз берган воқеа-ҳодисалар ҳамда янгиликларнинг энг муҳимлари ва энг саралари билан Sof.uz дайжестида таништирамиз.
Тожикистонда ҳарбий хизмат ёшидаги йигитлар армияга ўғрилаб олиб кетиляпти (видео)
Ҳуқуқ ҳимоячиларига кўра, Тожикистонда чақириқ ёшидаги йигитларни армияда хизмат қилиши учун ўғрилаб кетиш ҳолатлари бўйича шикоятлар сони ортиб бормоқда.
Батафсил: https://sof.uz/39dy
Чет элликлар юртимизга нима мақсадда ташриф буюрмоқда? Рақамлар сўзлаганда...
2019 йилнинг январ сентабр ойларида Ўзбекистон Республикасига кирган ва чиққан фуқаролар бўйича Давлат статистика қўмитаси ҳисобот эълон қилди.
Батафсил: https://sof.uz/h1n
Самарқанддаги жанжалда тиши синган турк: “Ўзбеклар ўз ватанида иккинчи сорт инсон муомаласини кўришаркан...”
Туркияда меҳнат муҳожири бўлган педагог Феруза Иззат Фейсбук саҳифасида Самарқандда юз берган жанжалда жабрланган турк қурувчисининг сўзларини келтириб, муносабат билдирди.
Батафсил: https://sof.uz/xsw
Лукойл ходимаси: “Видеода сўкингани аниқ бўлса-да... Бу атайин уюштирилган бўлиши мумкин“
Шу кунларда “LUKOIL UZBEKISTAN OPERATING COMPANY” масъулияти чекланган жамияти амалдори – бош энергетик Иван Александрович Шилов Қашқадарё вилояти, Деҳқонобод тумани, Жарқудуқ газ тайёрлаш мажмуаси ишчиларини ҳақорат қилгани ҳақидаги хабарлар тарқалган эди.
Батафсил: https://sof.uz/q8n
Президентнинг собиқ матбуот котиби янги лавозимга тайинланди
Ҳукумат қарори билан Асаджон Азатбекович Ходжаев Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекциясининг бошлиғи этиб тайинланди.
Батафсил: https://sof.uz/5sk
Юртдошларимиз энг кўп қайси давлатларга кетмоқда?
Аввалроқ, 2019 йилнинг январь-сентабр ойларида Ўзбекистон Республикасига кирган ва чиққан фуқаролар бўйича Давлат статистика қўмитаси ҳисобот эълон қилгани ҳақида хабар берган эдик.
Батафсил: https://sof.uz/05n
Ўзбекистон — Саудия Арабистони (фото)
Тошкентнинг "Пахтакор" стадионида 2022 йили Қатарда ўтказиладиган футбол бўйича жаҳон чемпионатига саралаш босқичи доирасида 5-тур учрашуви ниҳоясига етди. Унда Ўзбекистон ва Саудия Арабистони терма жамоалари тўқнаш келишди.
Батафсил: https://sof.uz/0d7
Янги йилдан хориждан ўзимиз учун олиб келаётган шоколад, кийим-кечак ва совға-саломларга ҳам бож тўлаймизми?
"Мен хорижда ишлайман. Ўзбекистонга кўпинча автобусда қайтаман. Айрим танишларимининг айтишларича, янги йилдан уйга, бола-чақамизга деб олган совға-саломларга ҳам божхонадан ўтишда бож тўлар эканмиз. Шу ростми? Масалан, 5-6 кг. шоколад олсам, болаларимга 2-3 дона кийим-кечаклар, уйга биронта телевизор олсам – буларнинг бари шахсий эҳтиёжим учун. Мен бундан тижорат мақсадини кўзламаганман".
Бу саволга Ўзбекистон Республикаси давлат божхона қўмитаси жавоб берди.
Батафсил: https://sof.uz/post/boj-tolaymizmi