Путин Керри чамадонини ўзи самолётдан кўтариб тушганига эътибор қаратди ва “Самолётдан нарсаларингизни ўз қўлингиз билан олиб тушаётганингизни кўриб бир оз хафа бўлдим. Бир тарафдан бу ўта демократик ҳол, иккинчи тарафдан эса АҚШнинг ишлари жойида эмаслигидан давлат котибига чамадонни кўтаришадиган ёрдамчи топилмабдими, деб ўйладим”, дея ҳазиллашди. “Муҳим масалалар бўйича биз билан савдолашиш учун пул келтирган бўлманг”, ҳазиломуз қўшиб қўйди РФ президенти.

Керри жавоб тариқасида портфел юзма-юз кўришганда очилишини ваъда қилди. “Бу сиз учун ажойиб сюрприз бўлади, ҳайрон қоласиз”, деди. Кейинроқ эса журналистларнинг чамадоннинг ичида нима борлиги тўғрисидаги саволига “Бу сир. Президент Путин ва мен бу ҳақда биламиз холос”, деди.

pravda.com.ua сайтининг ёзишига кўра, Россия ташқи ишлар вазири ўринбосари Сергей Рябков унда, “Лавров ва Путин билан музокара олиб боришда зарур ҳужжатлар” бўлган.

newsru.com сайти эса чамадон ичида Керри доимо олиб юрадиган гитараси борлигини ёзди.

Бу ҳақда rusjev.net сайти кутилмаган фаразни илгари сурди. Унда ёзилишича, РФ президенти ва унинг яқинларининг банкдаги ҳисоб рақамлари ва маблағ қандай  йўллар билан келганлиги ҳақида ҳужжатлар чамадонда бўлган. Ҳисоб рақамидаги пуллар Россия жиноят оламига алоқадор бўлиши мумкин. Иккинчидан, Федерал хавфсизлик хизматининг халқаро террорчилик билан алоқаси борлиги маълумотлари чамадонда бўлган.