Ким Чен Ин Россияда қайси масалаларни муҳокама қилади?
24.04.2019 11:36,
40
Шимолий Корея етакчиси Ким Чен Ин Владимир Путин билан учрашгани Россияга етиб келди. Бу ҳақда РИА Новости хабар қилмоқда.
Хабарда ёзилишича, Шимолий Корея етакчисининг зирҳли поезд эрта тонгда Россия-Шимолий Корея чегарасини кесиб ўтиб, Хасан станциясига келиб тўхтаган.
Агентликнинг маълум қилишича, Ким Чен Ин ва унинг ҳамроҳлари рус анъанасига кўра туз ва нон билан кутиб олинган.
Ушбу ташриф Ким Чен Иннинг Россияга илк ташрифи бўлди. Шимолий Корея раҳбарининг Россия президенти Владимир Путин билан учрашуви 25 апрелда режалаштирилган. Учрашув Узоқ Шарқ федерал университетида бўлиб ўтади.
“Саммитнинг асосий мавзулари – Корейс яриморолининг ядро масалаларини тартибга солиш ва икки томонлама муносабатлар”, - дейилади хабарда.