Малайзия пойтахти аэропортида ўлдирилган КХДР етакчиси акаси Ким Чон Намнинг ўғли отаси жасадини олиб кетиш учун Куала-Лумпурга етиб келди. Бу ҳақда Япониянинг NHK телеканали манбаларига таяниб.

Баъзи маълумотларга кўра, Ким Хан Соль Малайзия пойтахтига сешанба куни эрталаб етиб келган ва отасининг жасади сақланаётган касалхонага борган. NHK’нинг хабар беришича, бу вақт давомида касалхонани қўриқлаш хизмати кучайтирилган, у ерга махсус топшириқли автоматик қуролга эга 30-40 жангчи ташланган. 

NHK телеканали  Ким Хан Сол отасининг жасадини таниганини таъкидламоқда.

Аввалроқ Шимолий Кореянинг Малайзиядаги элчиси Куала-Лумпур аэропортида ўлдирилган шахс КХДР етакчисининг акаси эмаслигини даъво қилганди.

Маълумот учун, Ким Чен Нам – КХДР собиқ етакчиси Ким Чен Ирнинг катта ўғли бўлиб, онаси таниқли маҳаллий актриса Сон Хе Рим ҳисобланади. 2001 йилнинг майида у Японияга сохта паспорт ёрдамида чиқиб кетиб, ўша вақтдан бери хорижда истиқомат қилиб келган.