Афғонистоннинг Кобулдаги Маршал Фаҳим миллий мудофаа университети яқинидаги портлашда 5 киши ҳалок бўлди ва яна 7 киши жароҳатланди. Бу ҳақда манбага таяниб TOLOnews хабар бермоқда.
Нашрнинг хабарига кўра, худкуш ҳужумчи томонидан қилинган ҳужум натижасида ҳалок бўлганлар орасида 3 нафар ҳарбий хизматчи ва 2 нафар оддий фуқаролардир.
Маълумот Aфғонистон Ички ишлар вазирлигида тасдиқланди.
Эслатиб ўтамиз, 2019 йил ноябрь ойи охирида, Кобулда БМТ бўлинмаларидан бирига тегишли машинанинг портлаши оқибатида бир киши ҳалок бўлиб, яна беш киши жароҳат олган эди.