Пекин-2022 қишки Олимпия ўйинларида қатнашаётган ҳамюртимиз Комилжон Тўхтаев гигант слалом йўналишидаги иштирокини тугатди. Бу ҳақда Миллий Олимпия қўмитаси хабар бермоқда.
Биринчи стартдан сўнг 35-натижани қайд этган вакилимиз якунда 29-поғонани банд этди. Бу борада ғолиблик швейцариялик Марко Одерматтга насиб этди. Словения шарафини ҳимоя қилган Жан Кранец иккинчи ўринни банд қилган бўлса, Франция вакили Матё Февр кучли учликка якун ясади.
Тоғ чанғиси. Гигант слалом, эркаклар:
1. Марко Одерматт (Швейсария);
2. Жан Кранец (Словения);
3. Мате Февр (Франсия)
29. Комилжон Тўхтаев (Ўзбекистон)
Энди спортчимиз 16 феврал куни слалом дастурида ўз омадини синаб кўради.