Коронавирус билан касалланганлар даволанаётган Москвадаги шифохонада ёнғин чиқди

Коронавирус билан касалланганлар даволанаётган Москвадаги шифохонада ёнғин чиқди

Москванинг шимолида коронавирус билан оғриган беморлар ётган 50 сонли шаҳар клиник шифохонасида ёнғин содир бўлди.

Россия ФВВ маҳаллий вақт билан кечки 20:30 да ёнғин ҳақида хабар берилганини тасдиқлади. 

Вазирлик маълумотларига кўра, ёнғин олти қаватли тиббиёт биносида, биринчи қаватдаги хоналардан бирида бўлган. У соат 21:03да бартараф этилди. Бинодан 200 киши эвакуация қилинган. 

Ёнғин натижасида бир нафар бемор ҳалок бўлди. 

Москва прокуратураси касалхонадаги ёнғин бўйича текширувларни бошлади. 

Мавзуга доир: Москвада ёнғинда ҳалок бўлган ўзбекистонликларнинг номлари маълум қилинди